Actuacións do SGI (Servizo Galego de Igualdade) cofinanciadas polo FSE (Fondo Social Europeo)
A programación do Servizo Galego de Igualdade (SGI) contén un amplo abano de accións cofinanciadas polo FSE e que se resumen nas seguintes áreas:
- Cooperación: axudas a entidades locais para a creación e mantemento de Centros de Información ás Mulleres, con funcións de asesoramento laboral, formación profesional, recursos para o acceso ao mercado de traballo e tamén información sobre recursos e servizos para a atención en casos de malos tratos, discriminacións por cuestións de sexo, etc. co obxectivo último de acadar a plena intengración das mulleres.
- Fomento do emprendemento: programas con varias liñas de axudas:
- axudas a mulleres para a posta en marcha de iniciativas empresariais.
- axudas a empresas lideradas por mulleres para a posta en marcha de
modelos empresariais innovadores.
- axudas para o acceso das mulleres á cotitularidade de explotacións
agrarias.
- axudas ás empresas de mulleres para a titorización no seu proxecto,
consistente en asistencia, acompañamento e asesoramento para a mellora
da súa actividade empresarial.
- axudas ás empresas para facilitar a formación de expertas e a
transferencia e coñecemento de experiancias noutros territorios.
- Fomento da inserción das vítimas de violencia ou en situación de exclusión social: subvencións a centros e a programas de atención específica a mulleres.
- Formación: axudas á formación profesional para mulleres para a inserción, reinserción, promoción ou reciclaxe profesional, para acadar unha cuantificación e cualificación do emprego feminino.
- Difusión e sensibilización: ectuacións de difusión e axudas a asociacións para actividades de promoción das mulleres en todos os eidos.
As actuacións cofinanciadas polos Fondos deben contribuír a eliminar as desigualdades e promover a igualdade entre as mulleres e os homes con efecto demostrable antes, durante e despois da súa posta en marcha.
Comentarios