AXUDA ECONÓMICA PARA MULLERES VÍTIMAS DE VIOLENCIA DE XÉNERO (PAGAMENTO ÚNICO)

OBXECTO E BENEFICIARIAS

Regular o procedemento por concesión directa da axuda económica de pagamento único prevista no artigo 27 da Lei orgánica 1/2004, do 28 de decembro, de medidas de protección integral contra a violencia de xénero, dirixida ás mulleres vítimas de violencia de xénero que, residindo na Comunidade Autónoma de Galicia, acrediten insuficiencia de recursos e unhas especiais dificultades para obter un emprego.

DOCUMENTO ACREDITATIVO DA SITUACIÓN DE VIOLENCIA DE XÉNERO

- Orde de protección a favor da vítima.

- Informe do Ministerio Fiscal que indique a existencia de indicios de que a denunciante e vítima de violencia de xénero.

- Sentenza condenatoria definitiva, ou definitiva e firme, que conteña medidas de protección que acrediten a actualidade da situación de violencia.

REQUISITOS DAS SOLICITANTES

a) Ser muller, maior de idade ou emancipada.

b) Ter medidas de protección vixentes establecidas nunha orde de protección, informe do Ministerio Fiscal ou sentenza xudicial.

c) Ter especiais dificultades para obter un emprego, que se acreditará a través do informe do Servizo Público de Emprego.

d) Carecer de rendas que, en cómputo mensual, superen o 75% do salario mínimo interprofesional vixente, excluida a parte proporcional de dúas pagas extraordinarias.

e) Non ter percibida esta axuda con anterioridade.

CONTÍA DA AXUDA

1. O importe desta axuda será, con carácter xeral, equivalente ao de seis meses de subsidio por desemprego.

2. O importe desta axuda será equivalente a 12 meses de subsidio por desemprego nos seguintes casos:

a) Cando a vítima tivese a cargo un familiar ou menor acollido.

b) Cando a vítima, sen responsabilidades familiares, tivese unha discapacidade igual ou superior ao 33%.

3. O importe desta axuda será equivalente a dezaoito meses de subsidio por desemprego nos seguintes casos:

a) Cando a vítima tivese ao seu cargo dous o máis familiares ou menores acollidos, ou un familiar e un menor acollido.

b) Cando a vítima tivese ao seu cargo un familiar ou menor acollido e unha discapacidade igual ou superior ao 33% ela ou a persoa dependente

4. O importe desta axuda será equivalente a 24 meses de subsidio por desemprego nos seguintes casos:

a) Cando a vítima tivese ao seu cargo dous ou máis familiares ou menores acollidos, ou un familiar e un menor acollido e unha discapacidade igual ou superior ao 33% ela ou algunha das persoas dependentes.

b) Cando a vítima de violencia de xénero con responsabilidades familiares ou o familiar ou menor acollido con quen conviva tivese recoñecido oficialmente un grao de discapacidade igual ou superior o 65%.

PRAZO DE SOLICITUDE

Ata o 31 de decembro de 2009