900 400 273
O Ministerio de Sanidade, Servizos Sociais e
Igualdade garante a derivación automática das chamadas realizadas ao teléfono
016 dende o ámbito territorial de Galicia ao teléfono 900 400 273, en virtude
do convenio asinado coa Secretaría Xeral da Igualdade, que foi publicado no BOE
o pasado día 3. Esta colaboración vai permitir unha prestación máis axeitada do
servizo público de atención e asesoramento ás mulleres vítimas de violencia de
xénero, calquera que sexa a natureza da información requirida, garantindo ás
usuarias a información máis precisa sobre os recursos xeograficamente máis
próximos á súa localidade de residencia.
Do mesmo xeito, e con carácter recíproco, poderán
derivarse desde Galicia ao 016 aquelas chamadas que se considere oportuno para
unha correcta atención, nomeadamente, as consultas que soliciten asesoramento
xurídico especializado. No caso de que a usuaria precise atención de
emerxencia, a chamada será derivada automaticamente ao teléfono 112 de
emerxencia autonómico.
A partires de agora, o Ministerio de Sanidade
difundirá conxuntamente os dous números de teléfono nas campañas divulgativas e
de sensibilización que realice en Galicia.
Ambos os dous teléfonos son de carácter gratuíto,
funcionan as 24 horas do día, son accesibles para persoas con discapacidade
auditiva e prestan atención multilingüe.
Comentarios