PROGRAMA DE INCENTIVOS PARA PROMOVER A AFILIACIÓN Á SEGURIDADE SOCIAL DAS MULLERES COTITULARES OU TITULARES DE EXPLOTACIÓNS AGRARIAS 2013

ORDE DO 5 DE AGOSTO DE 2013 DA CONSELLERIA DE TRABALLO E BENESTAR

 PERSOAS BENEFICIARIAS

      1. Mulleres incorporadas ao réxime especial de traballadores por conta propia ou autónomos a través do sistema especial para traballadores por conta propia agrarios, sempre que reúnan os seguintes requisitos:

a) Que a súa incorporación se produza a partir do 1 de outubro de 2012 e ata o 30 de setembro de 2013.

b) Ter 50 ou menos anos de idade na data da dita incorporación.

c) Que sexan cónxuxes ou descendentes da persoa titular da explotación agraria, sempre que este estea dado de alta nos citados réxime e sistema especiais.

d) Que sexan beneficiarias da redución do 30% das cotas á Seguridade Social establecida na disposición adicional primeira da Lei 18/2007.

       2. Mulleres de 50 ou menos anos de idade na data de alta na Seguridade Social incorporadas a partir do 1 de outubro de 2012 e ata o 30 de setembro de 2013 ao réxime especial de traballadores autónomos ou por conta propia a través do sistema especial para traballadores por conta propia agrarios, titulares de explotacións agrarias nos seguintes supostos:

a) Que accedan á titularidade dunha explotación agraria en funcionamento que lles fose atribuída tras un proceso de separación ou divorcio.

b) Que accedan á titularidade dunha explotación agraria tras o falecemento, xubilación ou incapacidade recoñecida do seu cónxuxe, descendentes ou ascendentes por consanguinidade ou afinidade ata o segundo grao incluído.

c) Mulleres que se incorporen a unha explotación familiar en marcha, cando o seu cónxuxe cause baixa no sistema especial por conta propia agrarios do réxime especial de traballadores por conta propia o autónomos, por dedicarse a outra actividade e mentres este permaneza en situación de alta noutro réxime ou sistema da Seguridade Social.

Nestes casos, deberá producirse unha continuidade no funcionamento da explotación agraria de xeito que entre a data de alta no sistema especial da nova titular e a data do feito causante que determina o cambio de titularidade non transcorran máis de 12 meses.

Serán requisitos para poder acceder á condición de beneficiario das axudas establecidas nesta orde que no estivesen de alta no sistema especial para traballadores por conta propia agrarios do réxime especial de traballadores por conta propia ou autónomos, nos seis meses inmediatamente anteriores ao mes da súa alta no sistema especial, nin percibeseb subvencións ao abeiro deste programa de incentivos en anteriores convocatorias.

Non poderán ser beneficiarias deste programa as persoas nas que concorran as seguintes circunstancias:

a)  Ser condenadas medante sentenza firme á pena de perda da posibilidade de obter subvencións ou axudas públicas.

b) Solicitar a declaración de concurso, ser declaradas insolventes en calquera procedemento, acharse declaradas en concurso, estar suxeitas a intervención xudicial ou ser inhabilitadas conforme a Lei concursal sen que conclúa o período de inhabilitación fixado na sentenza de cualificación do concurso.

c)  Dar lugar, por causa da que fosen declaradas culpables, á resolución firme de calquera contrato subscrito coa Administración.

d) Estar incursa a persoa física nalgún dos supostos de incompatibilidades que estableza a normativa vixente.

e) Non estar ao día no cumprimento das obrigas tributarias ou fronte á Seguridade Social ou ter pendente de pagamento algunha outra débeda coa Administración Pública da Comunidade Autónoma nos termos regulamentariamente establecidos.

f) Ter a residencia fiscal nun país ou territorio cualificado regulamentariamente como paraíso fiscal.

g) Non estar o día no pagamento de obrigas por reintegro de subvencións nos termos regulamentariamente establecidos.

h) Ser sancionada mediante resolución firme coa perda de posibilidade de obter subvencións.

AXUDA

3.000 euros por persoa beneficiaria

PRAZO

O prazo de presentación de solicitudes rematará o 30 de setembro de 2013