COEDUCAMOS
Dentro das iniciativas
promovidas polo Concello de Silleda para a promoción da igualdade entre homes e
mulleres, a Concellería de Benestar Social e Igualdade pon en marcha un
ano máis o PROGRAMA “COEDUCAMOS”, subvencionado pola Secretaría Xeral de Igualdade e o
Fondo Social
Europeo, adicado a afianzar no ensino e na familia os valores e
prácticas coeducativas.
Coeducar supón:
-Desenvolver todas as capacidades
e favorecer as actividades aceptadas como positivas, con independencia do sexo
ao que tradicionalmente sexan asignadas.
-Superar os prexuízos sobre as
capacidades e recoñecelas con independencia do sexo.
-Sinalar unha serie de obxectivos
de cambio dirixidos a conseguir un sistema educativo máis xusto e solidario,
onde os valores atribuidos tradicionalmente ás mulleres e ós homes sexan
considerados de igual importancia e sexan transmitidos ás mozas e mozos, nenas
e nenos, para que formen parte do patrimonio cultural da sociedade, para un
funcionamento máis xusto da vida colectiva.
O programa consta de tres
tipos de actuacións:
1.“Elixe”.
Obradoiro sobre orientación académico-vocacional para unha toma de
decisións non discriminatoria.
2. 2.“Iguais
ou diferentes”. Obradoiro de
coeducación destinado ás/ós alumnas/os de Educación Infantil e Primaria.
3."Os saberes diarios" . Obradoiro de cociña e tarefas domésticas destinado a nenas/nenos, mozas e mozos.
“ELIXE”. OBRADOIRO SOBRE ORIENTACIÓN ACADÉMICO
VOCACIONAL PARA UNHA TOMA DE DECISIÓNS NON DESCRIMINATORIA, DESTINADO ÁS/ÓS
ALUMNAS/OS DA ESO.
As alumnas e alumnos están
convencidos e así o afirman sen dubidalo que elixen estudos ou toman decisións
de futuro segundo os seus intereses ou desexos, sen que en ningún momento sexan
conscientes de que a socialización diferencial de xénero condiciónalles en
maior ou menor medida, determinando as súas decisións.
Trátase dunha actuación
baseada na liberdade persoal e que propugna valores como a ética do
consentimento, a autonomía emocional, a igualdade entre os sexos, a riqueza da
diversidade e a responsabilidade compartida. O noso reto é traballar dos aspectos
fundamentais: autoestima e coeducación.
A acción desenvolverase no
ámbito da comunidade educativa, concretamente no IES PINTOR COLMEIRO
baixo a supervisión do Centro de Información ás Mulleres de Silleda, contándose
con persoal con especialización acreditada para impartir cada unha das sesións.
SESIÓN PRIMEIRA
“AUTOCOÑECEMENTO E
AUTOESTIMA: QUÉROME?”
XOVES 31 OUTUBRO
16:30-17:30
SESIÓNS SEGUNDA E TERCEIRA
“QUE ELIXO? POR QUE O
ELIXO?”
XOVES 7 NOVEMBRO 16:40-17:30
VENRES 8 NOVEMBRO 8:50-9:40
SESIÓNS CUARTA E QUINTA
“COÑECENDO A HISTORIA
DAS MULLERES”
XOVES 14 NOVEMBRO
16:40-17:30
VENRES 15 NOVEMBRO
8:50-9:40
“IGUAIS OU DIFERENTES”.
OBRADOIRO DE COEDUCACIÓN DESTINADO ÁS/ÓS ALUMNAS/OS DE EDUCAIÓN INFANTIL E
PRIMARIA
Cando falamos de aprendizaxe
entendémolo no seu sentido máis amplo; é dicir, cando o ser humano aprende
apréndeo todo,o explícito e o implícito, por iso cando xogamos tamén aprendemos
de todo. Non entanto, hai que facer outra matización: xogando apréndese, pero
aprender non é educar. A educación é un proceso dirixido intencionalmente, no
cal facilítase a adquisición de determinadas habilidades e non doutras. Desde
esta perspectica, entendemos a utilidade de dispoñer de situacións de
aprendizaxe baseadas no xogo a partir das cales nenas e nenos van adquirindo
habilidades positivas e valores que contribúan a mellorar o seu desenvolvemento
persoal.
A acción desenvolverase no
ámbito da comunidade educativa, concretamente no COLEXIO MARÍA INMACULADA baixo a supervisión do Centro de
Información ás Mulleres de Silleda, contándose con persoal con especialización
acreditada para impartir cada unha das sesións.
SESIÓN PRIMEIRA
“O XOGO NO
DESENVOLVEMENTO INFANTIL”
VENRES 8 DE NOVEMBRO 10:00-11:15
SESIÓN SEGUNDA
“AS RELACIÓNS SOCIAIS
NOS XOGOS. XOGANDO XUNTOS APRENDEMOS”
VENRES 15 NOVEMBRO 10:00-11:15
SESIÓN TERCEIRA
“TRANSMISIÓN DE ESTEREOTIPOS NA SOCIEDADE. PUBLICIDADE E
CONSUMO DE XOGUETES”
XOVES 21
NOVEMBRO 11:30-12:45
“OS SABERES DIARIOS".
OBRADOIRO DE COCIÑA DIRIXIDO A NENAS /OS, MOZAS E MOZOS
Comentarios